Dalawa lang ang mali ni Manny:
~Umentra sya sa pambansang pulitika
~Masyado syang totoo sa damdamin nya
Ang dalawang yan na nakasaad sa kasalukuyang panahon ay hindi maaaring mapagsama at ang kalalabasang resulta ay tagumpay sa isang ambisyon.
Sa panahon ngayon kung pulitiko ka, kahit matigas ang punto mo kung gusto mong manalo yuyuko ka o babaliko – maaaring konti o pwedeng sagad-sagad, depende sa ambisyon at sa kakayahang talunin ang konsensya.
Eto lang ang isang payak na pahayag para sa idolo kong tao sa isang larangan (boksing), at inaamin kong isa rin akong kritiko nya na sagad sa buto kung pumansin sa kakayahan nya bilang kalahok sa hanay ng pambansang mambabatas.
Hindi pwedeng magsama ang pulitika at tapat sa isip na pagpapahayag ng damdamin (lalo na sa mga panahong ito).
Ang sakin naman, isang pagpapatas, marami rin namang pangungutya at paglalaro sa pamamagitan ng katawa-tawang kuwento sa pamilya ni Manny (lalo na sa mahal nyang ina), pero sabi pa ng isang nagmamahal kay Manny, hindi sya rumesbak. Bagkus, pinagpasa-Diyos nya na rin lang ang lahat.
Ito pa, natutuwa ako sakaling bumaba ang ratings ng pambansang kamao para sa karera ng mga kandidatong senador dahil mababawasan ang boto nya, syempre di sya magiging senador. Di sya magagamit ng ilang nakapalibot sa kanya at di sya kukutyain at pagtatawanan sakaling di nya maintindihan ang mga pangyayari sa loob ng senado.
Wag malungkot Manny Boy, maybe this is one way how GOD will save you from all the crooked, cruel and evil people surrounding you. I hope you make up your mind at wag na ipagpatuloy yang pagsisenador. Makuntento ka na dahil masalimuot ang patutunguhan mo. Magbigay ka na lang ng tulong kahit walang titulong “senador”.
Gayahin mo si Bossing Vic.
God bless y’all!
~Tukmol Sawsawero
Note:
DJ Regina posted this on behalf of the real author, Roy B. Rapsing. Roy is from Pambujan, Northern Samar. A father of 2, an ECE (Electrical & Communications Engineering) graduate and he claims to be a government balancer.
